Lady Gaga raportohet se ka nisur një lidhje me agjentin e saj të talenteve Christian Carino, 48 vjeç. “People” konfirmoi se dyshja u panë publikisht duke shfaqur afeksion për njëri-tjetrin në shfaqjen e së dielës të Super Boël, ndërsa bënin foto para se të niste loja. Carino, i cili punon për agjencinë “Creative Arts”, u pa duke e puthur këngëtaren në faqe, ndërsa po bënin “selfie” në fushë.
Dyshja u pa gjithashtu një ditë më parë në shfaqjen e modës Tommy x Gigi në plazhin Venice. Pavarësisht se 30-vjeçarja Gaga tërhoqi vëmendjen në rreshtin e parë, Carino nuk ishte shumë larg saj. Ai njihet si përfaqësues i shumë emrave të njohur, si Jennifer Lopez, Margot Robbie, Johnny Depp dhe Justin Bieber.
Lidhja e fundit më e njohur e Gaga-s ishte me aktorin Taylor Kinney. Dyshja qëndroi e lidhur për 5 vite dhe u fejua në shkurt të 2015-s, para se të ndaheshin në korrik të 2016-s.
Kur Gaga u pyet së fundmi në një emision nëse kishte nisur të njihej me dikë, ajo u përgjigj e skuqur: “Nuk e di! Ti e di unë nuk flas për jetën time të dashurisë. U skuqa vërtetë dhe kjo nuk shkon me veshjen time”.
Burimi: Harper’s Bazaar
