Duket se moderatorit Edi Manushi nuk i ndahet zemra nga motrat Vjollca. Pasi prezantoi për shumë vite “Procesin Sportiv” me Marinën, tani Manushin do ta shohim në krah të Luanës në programin e saj më të ri, “Shiko kush luan”.
Këtë fakt e ka zbuluar vetë Luana nëpërmjet postimit të promos në profilin e saj “Instagram”.
Bashkë me Luanën dhe Edi Manushin, do të jetë edhe aktori i mirënjohur Gent Hazizaj.
Show i së shtunës pritet të sjellë një format të ri argëtues, i cili do t’i “testojë” personazhet e njohur në një profil të ri, duke i bërë ata protagonistë të lojërave të ndryshme, të cilat nxjerrin në pah aftësinë për t’u përgjigjur shpejt dhe saktë.
Autorësia e “Shiko kush luan” i është besuar moderatorit të njohur radioteleviziv, Blendi Salaj.
