Ish-sulmuesi i kombëtares shqiptare, Hamdi Salihi do të luajë për herë të fundit në ndeshjen e ardhshme kundër Wacker Innsbruck.
Salihi do të varë këpucët mbi gozhdë këtë fundjavë dhe lajmi është konfirmuar nga vetë sulmuesi shqiptar.
Në një letër lamtumire, Salihi ka informuar të gjithë tifozët e tij se takimi i kësaj fundjave kundër Wacker Innsbrick do të jetë i fundit si profesionist.
Megjithatë ai thotë se nuk do të heqë dorë nga futbolli, përkundrazi. Këtë moment e sheh si fillim të një karriere të re. Salihi luajti me fanellën kuqezi 50 ndeshje, duke realizuar 11 gola. Aktualisht ai është pjesë e skuadrës gjermane Neustadt.
“Të dashur miq
Pas një mendimi të gjatë dhe pas konsultimeve me familjen dhe të afërt me mua, kam vendosur që ndeshja e ardhshme në shtëpi kundër Wacker Innsbruck II do të jetë loja e fundit në karrierën time si futbollist. Përmes këtij mesazhi dëshirova t’ju informoj por edhe të them faleminderit të gjithë ju, të gjithë lojtarët që kam luajtur, shokët e ekipit ose kundërshtarët, trajnerët, drejtorët e asociacioneve dhe presidentët, tifozët e ekipeve që kam luajtur, si dhe tifozët e ekipeve kundërshtare dhe se jam shumë i lumtur që ju takova dhe keni pasur momente të paharrueshme në këtë udhëtim të mrekullueshëm.
Një falënderim i veçantë i shkon familjes sime, që sakrifikoi shumë dhe gjithmonë më mbështetën. Prindërit e mi, të cilët ishin mbështetja ime më e madhe dhe për vëllezërit e mi, të cilët ishin mësuesit dhe kritikët më të mëdhenj në këtë rrugë të gjatë.
Vendimi im është krejtësisht intuitiv, pasi nuk mund ta imagjinoj kurrë që të largohem nga futbolli. Në vitet e fundit kam lexuar shumë, kam studiuar dhe kam bërë shënime, për të cilat besoj se në të ardhmen time në futboll do të jenë shumë të vlefshme. Fjala fund është shumë e vështirë, unë do të doja ta shihja këtë moment si fillimin e një karriere të re, e cila unë shpresoj se do të më japë emocione të njëjta me ato që kam pasur në fushë. Sigurisht, unë do të qëndroj me Neustadt si futbollist deri në fund të sezonit 2018/2019”.
