Jona Spahiu ka qenë në qendër të vëmendjes mediatike kohët e fundit pas lajmit se së shpejti do të organizojë dasmën e saj madhështore me partnerin e saj Frenkli Ymerin.
Jo vetëm kaq, por mëngjesin e sotëm, një burim për “Iconstyle.al”, dha lajmin e gëzueshëm se Jona është në pritje të ëmbël dhe tashmë ka hyrë në tremujorin e dytë të shtatzënisë.
Ndërkohë që në mediat online po qarkullon lajmi i pritjes së ëmbël, Jona ka publikuar një video në Instastory ku duket rrezëllitëse. Ajo shfaqet porsi një lule e vërtetë dhe duket se nuri i shtatzënisë e ka zbukuruar akoma më shumë moderatoren simpatike.
Tashmë të gjithë jemi në pritje të konfirmimit të lajmit të bukur nga vet çifti dhe pse jo të shohim edhe foto e para me barkun e rrumbullakosur.
