Ishin burime ekskluzive për “iconstyle.al” që treguan se Alfio dhe Fatma i ka dhënë fund marrëdhënies së tyre, madje me një vëzhgim në rrjetet e tyre sociale nuk shohim më asnjë pozë së bashku, megjithëse vazhdojnë të ndiqen.
Fundi i historisë së bukur të dashurisë së Alfio Rrotanit dhe Fatma Methasanit, mesa duket konfirmoi edhe një herë se çdo gjë e bukur nuk zgjat përgjithmonë.
Së fundmi, pas lajmit të ndarjes nga nëna e tij, Alfio i ka bërë një premtim publik të birit.
Krahas fotos së ëmbël, Alfio i ka dedikuar disa fjalë të ndjera djalit, ku i premton se do t’i qëndrojë gjithmonë afër.
“Si babai yt të premtoj se do të jem gjithmonë në një nga tre vendet, para teje për të brohoritur, pas teje për të ruajtur shpinën, ose pranë teje për të mos qenë vetëm”, shkruan Alfio në postimin e tij.
Më herët kujtojmë që ishte një postim i Alfios kur ishte pak i pirë, që konfirmoi lidhjen me Fatma Methasanin në Instagram, duke u kthyer në çiftin e preferuar të publikut.
Ndjenja e tyre e bukur u bekua me një bebush, një djalë të cilin vendosën ta pagëzojnë me emrin Noah. Në rrjete sociale, familja e tyre e ëmbël tërhiqte gjithmonë vëmendjen dhe shumë shpesh pozonin pranë njëri-tjetrit.
