Mbrëmjen e djeshme u përhap me shpejtësi lajmi se Justin dhe Hailey i kishin dhënë fund beqarisë! Sipas burimeve për revistën “People”, ata ishin martuar në bashkinë e New York-ut pasditen e së enjtes dhe më pas do të organizonin festën me miqtë e dashur përpara Zotit.
Mirëpo Hailey Baldwin ka hedhur poshtë të gjitha informacionet duke theksuar se është beqare.
“E kuptoj nga vjen gjithë kjo ngatërresë, por nuk jam martuar ende” –sqaroi ajo në rrjete sociale.
Gjithsesi, gjithë kjo zhurmë dhe vizitë në Bashki nënkupton se dasma është më pranë se ç’mendojmë!
Hailey dhe Justin u panë në Brooklyn ditën e djeshme, teksa largoheshin nga apartamenti i modeles! Sigurisht që sytë ishin tek duart e çiftit, për të parë nëse kanë ndonjë unazë, por jo! Duhet të presim edhe ca..
