Menjëherë pas lajmit tragjik se Mac Miller humbi jetën si pasojë e mbidozës së drogës, Ariana Grande publikoi një foto bardhë e zi në profilin e saj në “Instagram”, duke mos lejuar askënd të komentonte.
Shtatë ditë pas tragjedisë, Ariana ka vendosur të thyejë heshtjen dhe të rrëfejë të gjithë dhimbjen që ka në shpirt. Ajo ka publikuar një video të reperit 26-vjeçar, i cili shfaqet shumë i lumtur duke buzëqeshur, teksa darkonin së bashku.
“Të adhuroja që prej ditës kur u takuam për herë të parë kur isha vetëm 19 vjeç dhe do të të adhuroj gjithmonë. Nuk mund ta besoj që ti nuk je më këtu.Me të vërtetë nuk mund të mësohem me këtë ide. Ne folëm shumë për këtë! Kaq shumë herë! Jam shumë e inatosur, shumë e acaruar dhe nuk di ç’të bëj. Ti ishe miku im më i mirë, për shumë kohë. Mbi gjithçka dhe këdo. Më fal që nuk munda të të ndryshoj ose të të kisha lehtësuar dhimbjen. Doja me shpirt! Njeriu më i sjellshëm, më i ëmbël me demonët që kurrë nuk i meritoj. Uroj të jesh mirë tani. Prehu në paqe.” – shkruan krahas videos këngëtarja Ariana Grande.
Mac Miller u gjet i pajetë në banesën e tij mbrëmjen e 7 shtatorit. Ai humbi jetën si pasojë e një ataku kardiak, shkaktuar nga një mbidozë droge.
