Fama e saj sa vjen edhe po ndërkombëtarizohet. Këngëtarja Era Istrefi tashmë do të jetë imazh i një prej kompanive më të njohura të kozmetikës, Revlon e cila tashmë ka bërë të sajën “Sinful Colors”.
Sipas burimeve për “Prive”, mesa duket Era do të firmosë një kontratë me këtë kompani me një shumë të konsiderueshme të hollash edhe pse vlera ende nuk është bërë e ditur. Do të jetë vetë Era ajo që do të krijojë nuancat e ngjyrave të manikyrëve në bazë të preferencave të saj.
Imazh i mëparshëm i “Sinful Colors” nga Revlon ka qenë Kylie Jenner e cila do të zëvendësohet nga këngëtarja shqiptare, Era Istrefi.
