Të gjitha mund të kemi pasur ato momentet kur tentonim të kopjonim ecjen e supermodeles Naomi Campbell, gjatë sfilatave të njohura. Por edhe stili i saj ka qenë dhe është një frymëzim, jo vetëm për ne njerëzit e thjeshtë!
Vetëm javën e kaluar publikuam disa foto që dëshmonin se, Kim Kardashian është e fiksuar pas supermodeles dhe kopjon thuajse çdo veshje të saj (lexoni artikullin këtu).
Por një ditë më parë mediat e huaja nisën të shkruanin se, edhe motra e saj Kylie Jenner duket se merr udhëzime stili nga paraqitjet e kaluara të Naomi-t.
Bëhej fjalë për syzet e zbukuruara me kristale dhe varësen që mbulonte gjithë qafën.
Lori Hoxha, e cila dëshiron që të jetë ndër të parat që sjell trendet e reja mes fashionistave shqiptare, u shfaq me një palë syze të ngjashme.
Në foton e publikuar sot nga Lori, ajo pozon me syzet të cilat në vend të kristaleve duket se janë mbuluar me xixa.
“Sërish i dua, por i doja më shumë”, shkruan bashkangjitur fotos fashionistja, ndërsa nuk e dimë se kujt i referohet.
Ndryshe nga Lori, syzet e diellit që mbante Naomi janë të mbuluara të gjitha me kristale dhe janë realizuar nga dizajnuesi Rifat Ozbek, për sfilatën e vitit 1995.
Gjithashtu kujtojmë se, me një palë syze të ngjashme, Kylie u shfaq në tapetin e kuq të “Met Gala” një vit më parë.
Burimi: Iconstyle.al
