Në muajin dhjetor të vitit që lamë pas, Justin Timberlake u kap mat duke shtrënguar duart me kolegen e tij Alisha Wainwright, në New Orleans.
Incidenti gjeneroi shumë lajme dhe kritika ndaj Justin-it, i cili u cilësua si një tradhtar.
Madje, fotot e publikuara i prishën punë me partneren, Jessica Biel dhe çifti ishte në prag ndarjeje.
Megjithatë, dyshja nisi terapinë në çift dhe marrëdhënia e gjatë e dashurisë arriti të rikthehej si më parë.
Justin dhe Jessica janë më të dashuruar se kurrë dhe i kanë lënë pas pengesat mes tyre.
Këtë e tregoi edhe urimi i fundit i aktorit për ditëlindjen e bashkëshortes.
Në llogarinë e tij në Instagram, Justin ndau disa poza nga momentet më të bukura me Jessica-n, ndërsa krahas postimit bëri dedikimin special për të.
“Gëzuar ditëlindjen dashurisë së jetës time, një aventurë e re çdo ditë dhe një thesar për mua. Mezi pres të ndaj akoma më shumë gjëra me ty. Faleminderit që më duron edhe kur mbaj aromë të keqe pas një raundi loje golf, apo kur mbaj aromë të keqe në përgjithësi. Ti je më shumë se shumë, dashuria ime! Të adhuroj!
Burri.”- janë fjalët e Justin për Jessica-n.
https://www.instagram.com/p/B9R-zKlB1is/
Disa ditë më parë, Jessica ishte parë të dilte në publik pa unazën e martesës në gishtin e saj, duke bërë të nisin aludimet për një ndarje të çiftit.
Megjithatë, gjithçka u hodh poshtë pas statusit të fundit të Timberlake.
Gjërat mes dyshes po shkojnë më mirë se kurrë!
