Virusi vdekjeprurës Covid-19 ka shënuar 27,980 raste të infektuara dhe 2,158 jetë të humbura në Itali.
Mirëpo, teksa i gjithë vendi përballet me frikën e virusit, një tërmet ka goditur bregun perëndimor të Kalabrisë.
Në vend janë ndjerë lëkundje me magnitudë 4.3 të shkallës rihter.
Fatmirësisht nuk është raportuar asnjë i lënduar, mirëpo banorët janë panikosur nga kjo situatë.
Disa prej tyre kanë pasur frikë të dalin nga shtëpitë për shkak të Koronavirusit, ndërsa të tjerë kanë dalë dhe janë futur në makinat e tyre personale.
E gjithë Italia është shpallur zonë e kuqe dhe numri i rasteve të konfirmuara me Covid-19 po rritet frikshëm dita-ditës.
