Qershori nisi me një koncert madhështor në Sheshin “Skënderbej, të këngëtarit të famshëm shqiptar Ermal Meta. Për disa orë me rradhë, Ermal emocionojë publikun me performancat e tij të ndjera.
Mirëpo pas koncertit, një nga këngëtarët shqiptar ka shpërthyer në një status në profilin e tij ne “Facebook”, ku shprehet se në Shqipëri, artistët vlerësohen vetëm kur arrijnë suksesin jashtë Shqipërisë. Bëhet fjalë për këngëtarin Stefi Prifti, i cili thekson se 80% e shqiptarëve që ishin në shesh, nuk e kuptojnë fare muzikën e Ermal Metës.
“Një tmerr, mënyra si funksionojnë gjërat në këtë vend! A thoni ju, se Ermali u krijua si artist para dy muajsh…! Kush e dëgjonte Ermal Metën para se të shkonte në Eurovizion? Shumë pak shqiptarë – më besoni, se dhe vetë ju që po lexoni këtë status jeni koshiente (me veten) c’fare po them…Une i heq kapelen Ermal Metës, në radhë të parë si ideator dhe si krijues, njeri me fantazi dhe intelekt te guximshëm. Po Eugen Pushpepën nuk e njihnin shqiptarët? Nuk e dinin që interpretonte me zerin e tij të vecante dhe talentin e një rrokeri të spikatur në Top Chanel dhe c’do jave ne lokale rroku ne Tirane? Pse nuk shkonte kjo mizeria e ketyre “dashnoreve me suste” dhe “simpatizanteve mbas te vjelit”, te pinin nje birre dhe te shijonin koncertet e tij live?” – shkruan Stefi Prifti.
Këngëtari i hitit “Ti se meriton” u shpreh se të gjithë artistët, duhet të vlerësohen njësoj. Ai solli në vëmendje rastin e sopranos Ermonela Jaho, e cila përpara dekorimit nga kryeministri, nuk respektohej nga publiku shqiptar.
“Fenomen shqiptar! Kam edhe një shembull tjetër që e kam përjetuar vetë. Sopranoja e famshme Ermonela Jaho. 5-6 muaj, para se të merrte një titull nderi nga kryeministri, bëri nje koncet në Universitetin e Arteve në Tiranë. Ne mos gabohem ka qënë Nentor! Unë dhe familja ime në sallë, të ftuar nga pedagogia e nderuar e kantos Suzana Frasheri, njëkohesisht pedagoge që inspiroi dhe për 4-5 vite i dha mesim Ermoneles. Mbase nuk do me besoni (kjo eshte arsyeja qe citova emrin e profesoresesh), por e verteta e pabesueshme për mua dhe natyrisht për Ermonela Jahon dhe një tenor shume i njohur austriak, ishte salla me aq pak njerëz..! E pabesueshme! Mbas disa muajsh e dekoroi kryeministri i vendit Edi Rama. Nuk gjeje bilete ne TOB…!” – përfundon statusin e tij në Facebook, Stefi Prifti.
