E keni menduar ndonjëherë se Kendall Jenner dhe aktorja bukuroshe turke Hande Erçel ngjajnë me njëra-tjetrën?
Tlli i TKUWTK ndau dy ditë më parë disa foto në Instagram pranë pemës së Krishtlindjeve, duke ia zbehur shkëlqimin dritave e zbukurimeve të bredhit.
Në njërën prej tyre ajo shfaqet me një trëndafil, e pikërisht kjo foto ka tërhequr vëmendjen e motrës së aktores, Gamze Erçel.
Ajo ka rishpërndarë foton e modeles në Instastory, ku i ka bërë tag Handes, duke shkruar: “Hande, ti je?”
Aktorja nuk i është përgjigjur publikisht, por fansat mendojnë se ato me të vërtetë ngjajnë. Më poshtë keni disa krahasime mes tyre.
Muajt e fundit Hande ka qenë plotësisht e dedikuar ndaj serialit “Trokit në derën time”, të cilit pak nga pak po i vjen fundit.
Sakaq, ajo është komentuar gjatë edhe për marrëdhënien e saj me Kerem Bursin dhe ndarjen nga Murat Dalkılıç .
Ky i fundit ka hedhur dritë mbi arsyen e ndarjes së tyre për herë të parë, në mënyrë jo të drejtpërdrejtë. Çifti Dalkılıç dhe Erçel, për të cilët flitej se do martoheshin pas 3 vitesh së bashku, i dhanë fund lidhjes së tyre në korrik.
Murat Dalkılıç ishte i ftuari i radhës i Emel Yalçın, ku i pyetur në mënyrë të përgjithshme se “çfarë mund të çojë në fundin e një marrëdhënieje” tha se e gjitha mbaron kur shuhet flaka në çift.
“Ajo flakë e mban marrëdhënien gjallë. Në marrëdhënie, unë mendoj së pari për palën tjetër, kujdesem për atë që ajo dëshiron, përparësia ime është ajo që dëshiron pala tjetër.”
I pyetur nëse e kontrollon telefonin e të dashurës kur ndodhet në lidhje ai ka thënë se nuk e ka bërë kurrë këtë gjë sepse vlerëson se dy nga gjërat më me vlerë në një lidhje janë besimi dhe respekti.
Sakaq, disa ditë më parë një lëvizje e këngëtarit e bërë së fundmi ka ngjallur shumë polemika. Ai e ka hequr atë nga Instagram dhe nuk e ndjek më, kurse Hande vijon ta ketë në listën e personave që ndjek.
Nuk dihet se nga se u nxit ky veprim, por mediat e huaja shkruajnë se ai nuk mund të shohë më Handen dhe Keremin bashkë dhe ka shkuar drejt këtij veprimi.
Disa ditë më parë rrjeti u pushtua nga disa foto të Handes, të cilat ajo i ndau me ndjekësit në rrjetet sociale ku shihej në shtëpinë e saj.
Detajistët kanë vënë re se në foto duket kapelja e tij. Nëse e shihni me kujdes ajo duket në xham:
Keremin e kemi parë disa herë me këtë kapele, ndër të tjera edhe në një video live që ka realizuar me Handen.
Nuk e dimë se ç’kanë për të thënë tani, pasi çdo herë janë shprehur se janë thjesht shumë profesionalë.
