“Facebook” thotë se përdoruesit në Shtetet e Bashkuara të Amerikës mund të porosisin ushqim përmes faqeve të rrjetit social të restoranteve, si një përpjekje për të lidhur përdoruesit dhe bizneset.
“Përdoruesit nga e mërkura mund marrin citate nga bizneset, të blejnë bileta kinemaje dhe të caktojnë takime në sallonet e bukurisë”, tha “Facebook”.
Në fillim të këtij muaji, “Facebook” prezantoi “Marketplace”, një platformë që i lejojnë njerëzit të blejnë dhe të shesin artikuj në nivel lokal.
Tani ai ka partneritet me industritë e mëdha, si “delivery.com” dhe “Ticketmaster” për ta çuar shërbimin e blerjes një hap më para.
“Po prezantojmë disa mënyra të reja për njerëzit për të vepruar më shpejt pasi gjejnë diçka që duan të bëjnë ose një vend ku duan të shkojnë. Sot nisëm prezantimin e diçkaje të re që ju ndihmon të përdorni ato lidhje për të zbuluar gjëra të reja në botën përreth jush, për të vendosur çfarë të bëni apo ku të shkoni dhe të lidheni me bizneset lokale në mënyra më të lehta dhe të shpejta. Përdoruesit mund të porosisin ushqim nga restorantet direkt nga faqet e “Facebook”-ut, nëse restorantet përdorin Delivery.com ose Slice”, thotë “Facebook”.
Rrjeti social bëri të ditur dhe vendosjen e Rekomandimeve, pra këshillat që mund t’u kërkosh miqve. Nëse shkruhet një postim ku kërkohen sugjerime mbi një vend apo një shërbim, çfarë të shohësh në një qytet apo çfarë të hash, aktivizon Rekomandimet dhe sugjerimet që të vijnë nga miqtë në komente do të bashkohen dhe do të tregohen në një hartë.
Burimi: Daily Mail
