Në rregull, para fushatës veshja e tij me atlete dhe tuta kishte një arsye, por kësaj radhe kryeministri Edi Rama ishte i paparashikueshëm.
Rama habiti me veshjen e tij të paraqitur në Samitin e Triestes, teksa zhvillonte takimin me homologun e tij Zoran Zaev, kryeministër i Maqedonisë. Atlete Adidas, Superstar, me një kostum serioz dhe me kollare, kjo ishte veshja e kryeministrit Rama kësaj here, me të cilën nuk është parë më parë asnjë prej përfaqësuesve europianë.
Kombinime të tilla në veshjet e Ramës nuk është hera e parë që shohim, madje gjithë fushatën zgjedhore ai u shfaq me tuta sportive dhe atlete të kombinuara me këmishë.
Edhe në maj gjatë një takim jo zyrtar në Bruksel mes përfaqësueses së lartë të BE-së, Federica Mogherini dhe kryeministrave të vendeve të Ballkanit, Rama u paraqit i veshur sportiv, me tuta dhe atlete.
Vet Rama ka thënë se veshja që ai përdor është në modë dhe ne na duket shumë “cool”.
Në fakt atletet janë magnete për kuptimin shoqëror dhe politik, një mënyrë që i dallon ato nga llojet e tjera të këpucëve.
