Këngëtarët shqiptarë i janë drejtuar tashmë tregut ndërkombëtar të muzikës.
Shembulli më i mirë është Era Istrefit apo Elvana Gjata. Menaxheri i Erës, Faton Shoshi vazhdon të mbajë “nën kontroll” vazhdimësinë e suksesit të këngëtares. Si pasojë, ai ka krijuar edhe mjaft miqësi me yje të njohur ndërkombëtarë.
Këtë e vërteton dhe komenti që është bërë në foton e postuar së fundmi prej tij, bashkë me dy djemtë e tjerë të familjes, Ledrin dhe reperin Buta. “Cool pic” komenton poshtë fotos producenti Myles William, i cili ka punuar me Beyonce-n në albumin e saj të fundit “Lemonade”, në këngën “Freedom”.
Ndërkohë që bashkëpunimi mes Ledrit dhe Butës do të vijë shumë shpejt, nuk do të çuditeshim sikur William të shërbente si një shkëndijë bashkëpunimi mes Ledri Vulës dhe Beyonce-s. Asgjë s’është e pamundur!
