Vetëm pak ditë para të ndërrimit të viteve, këngëtarja Beatriks Ramosaj ka prezantuar partnerin e saj të ri.
23-vjeçarja postoi një foto mes miqsh në Instagram, mes të cilëve është edhe arkitekti Erind Bejleri.
Me foton në fjalë, Beatrix ndau me ndjekësit një nga të dielat e saj të lumtura pranë njeriut që i ka fituar sërish zemrën, shkruan Panorama Plus. Duket se Beatrix ka shije për djemtë, pasi ashtu si ish-i, edhe arkitekti është një brun shumë simpatik. Pasi i dha fund lidhjes, Ramosaj u shpreh hapur në televizion se e kishte përjetuar me dhimbje ndarjen.
Jo pa qëllim ajo më pas realizoi një klip me titull “Pa ndjenjë”, ku improvizonte skena seksi pa dashuri në shtrat me balerinin Kris Dalipi.
Ky klip u komentua si moment ndryshimi në karrierën e saj si artiste, duke qenë se ishte identifikuar si këngëtarja e baladave.
/Panorama Plus/
