DJ-i dhe reperi i famshëm Diplo doli para dy vitesh kundwr Taylor Swift duke postuar ofendime të ndryshme në “Twitter”.
Në vitin 2015 postimi “jepini Taylor Swift një fundshpinë” mori dhenë dhe u komentua për javë të tëra online nga publiku, por edhe nga fansat e këngëtares.
Asokohe Diplo bëri një deklaratë ‘live’ ku i kërkoi falje publikisht Taylor Swift e gjithashtu premtoi se s’do të merrej më kurrë me të.
Epo premtimi i tij sapo u thye pasi gaboi sërish. Në një intervistë për “Rolling Stone”, Diplo ka komentuar sërish mbi këngëtaren 27-vjeçare duke thënë se muzika e saj nuk është ajo çfarë të rinjtë duan të dëgjojnë.
Sipas tij, të rinjtë preferojnë muzikë si ajo e “Rockstar” e Post Malone apo “Kodak Yellow” nga Cardi B.
“Askush nuk ka dëshirë të dëgjojë këngët monotone të Taylor Swift. Të rinjtë nuk e duan “Look What You Made Do”. Muzika e saj dëgjohet vetëm pse bëhet një reklamim dhe marketing i jashtëzakonshëm, fakti që dëgjohet nuk do të thotë se publiku e preferon”, ka mbyllur kështu komentin e tij, Diplo.
