Pas hitit të padiskutueshëm të verës 2019, “Loco Contigo” që Dj Snake solli me artistin latin J Balvin, vjen surpriza e radhës!
Bëhet fjalë për një bashkëpunim me artistin shqiptar Gashi për këngën “Paris” që po kthehet në fiksim për diskotekat verore anembanë Europës.
Kënga nuk ka ende një klip, por e gjeni tashmë në YouTube edhe me lyrics. “Paris” është kënga e fundit e albumit “Carte Blanche” të nxjerrë në shitje nga Dj-i francez.
Ky i fundit ka publikuar disa video me këngën në sfond në Instastory, ndërsa ka bërë tag edhe emrin e Gashit.
Bashkëpunimi ka ardhur në një kohë të vështirë për këngëtarin shqiptar i cili shprehet se i ka ndryshuar jetën:
“Kur po kaloja periudhën më të vështirë të jetës sime, DJ Snake me vendosi në albumin e tij bashkë me Travis Scott dhe Migos duke i bërë të gjithë të më marrin seriozisht”, është shprehur Gashi më herët.
Shpresojmë që këngëtari shqiptar ta këndojë këngën e re në Festivalin Sunny Hill, ku do të performojë në natën e dytë, pra më 3 gusht në Prishtinë.
