Real Madrid është shpallur kampion i Spanjës për herë të 36 në histori.
‘The Guardian‘ raporton se madrilenët fituan me Cadiz 3-0, por ishin në pritje të rezultatit të Barcelonës, që luante në transfertë ndaj Girona, për të siguruar matematikisht titullin. Humbja e katalanasve 4-2 ndaj surprizës së këtij sezoni në Spanjë bëri që ekipi i Carlo Ancelottit të festonte disa orë pas ndeshjes një tjetër titull kampion.
Mesfushori anglez Jude Bellingham ishte një figurë kyçe në suksesin e Realit, pasi ka shënuar 18 gola në 26 ndeshje në La Liga në sezonin e tij të parë me klubin.
Ky është titulli i tretë kampion në 5 vitet e fundit për Realin e Madridit, që do të përpiqet të fitojë edhe Champions League për ta bërë këtë sezon të paharrueshëm.
