Gjigandi i transmetimit të muzikës, i udhëhequr nga CEO Daniel Ek, thotë se pas humbjes të rreth 1.5 milionë abonentëve si rezultat i daljes nga Rusia, rritja që pasoi ishte mbi pritshmëritë.
Spotify e mbylli tremujorin e parë të 2022 me 182 milionë abonentë, nga 180 milionë që ishte në fund të vitit 2021, por nën parashikimin e tyre fillestar prej 183 milionë abonentësh që ishte bërë përpara daljes së kompanisë nga Rusia që solli humbjen e rreth 1.5 milion abonentëve.
Kompania tha gjithashtu se arriti në 422 milionë përdorues aktivë mujorë në fund të marsit, nga 406 milionë që ishte në fund të dhjetorit.
“Abonentët tanë “premium” u rritën 15% nga viti në vit në 182 milionë,” tha kompania. “Ndërsa kjo është pak më poshtë parashikimeve tona, pas daljes të rreth 1.5 milionë abonentëve si rezultat i daljes sonë nga Rusia, rritja ishte mbi pritshmëritë dhe e ndihmuar nga performanca më e mirë në Amerikën Latine dhe Evropë.”
Kujtojmë se Spotify u përball me kritika të shumta kur amerikani Joe Rogan u kritikua për përhapjen e asaj që është etiketuar gjerësisht si keqinformim rreth COVID-19 në programin e tij audio Spotify, The Joe Rogan Experience.
Shumë figura të njohura i bënë thirrje Spotify të zgjidhte mes tyre ose Roganit, duke akuzuar platformën për përhapjen e “dezinformatave vdekjeprurëse rreth COVID” por kompania nuk foli rreth kësaj teme.
