YNW Melly emri i vërtetë i të cilit është Jamell Demons, është arrestuar ditën e djeshme për vrasje të dyfishtë.
Reperi i famshëm i cili së fundmi ka bashkëpunuar me Kanye West për hitin “Mixed Personalities”, është akuzuar për vrasjen e dy shokëve të tij, Christopher Thomas Jr, 19 vjeç, and Anthony Williams, 21 vjeç. Dy viktimat u qëlluan për vdekje më 26 tetor të 2018-ës.
Reperi pak para se të arrestohej, publikoi një postim në llogarinë e tij në Instagram, ku shkruante ndër të tjera: “Për të gjithë miqtë e mi dhe fansat! Jo, unë nuk u mbylla në Washington, por vendosa të përballem. Dua t’ju bëj me dije se ju dua dhe vlerësoj çdokënd prej jush. Para disa muajsh unë humba dy vëllezërit e mi dhe tani sistemi dëshiron që të bëjë drejtësi. Fatkeqësisht shumë thashetheme dhe gënjeshtra janë thënë, por mos u shqetësoni sepse Zoti është me mua.”
Pas këtij postimi, reperi i njohur ka fshirë llogarinë e tij të Instagramit.
