Jeremy Meeks ka tradhtuar të dashurën Chloe Green. Të paktën kështu pretendon ish-gruaja e tij Melissa.
Në një postim në Instagram, ajo pretendon se ish-krimineli më seksi, nuk i ka qëndruar besnik të dashurës së re.
Melissa ka thënë se është lënduar nga Jeremy, dhe fakti që marrëdhënia e tyre ka përfunduar kaq papritur.
Duke postuar një fotografi të sajën në internet, Melissa, 39 vjeç, ka thënë:
“Faleminderit për gjithë dashurinë pozitive. Unë kurrë nuk kam qenë në një vend më të mirë në jetën time, sesa këtu ku jam tani. Ish-burri im është treguar i pabesë në marrëdhënien e tij të re. Me mua … më mirë të jem vetëm dhe e lumtur me respektin ndaj vetes sesa të ma punojnë”.
Ka qenë pikërisht fjala “Me mua” që i ka ngatërruar ndjekësit, të cilët nuk po kuptonin nëse Jeremy e kishte tradhtuar të dashurën me ish-gruan apo jo!
Jeremy, 34 vjeç dhe romanca e tij me 26-vjeçaren Chloe është përfolur se ka nisur për interes, për shkak të pasurisë së madhe që ka vajza. Megjithatë, në fotot e fundit ai duket shumë i dashuruar.
