Dje, reperi Ledri Vula na ëmbëlsoi ditën me një video fantastike të gjyshërve të tij, duke treguar reagimin e tyre për këngën e re “Prej inati”.
Dy gjyshërit shfaqeshin duke kërcyer në ritmet e këngës së nipit të tyre dhe mund të themi se u kthyen në çiftin më “cool” të Instagram-it.
https://www.instagram.com/p/B89UMxDh0iN/
Pasi videoja bëri xhiron e rrjetit mbrëmë, radhën tashmë e kanë prindërit e Ledrit.
Ashtu si gjyshërit, sigurisht që edhe prindërit janë fansat më të mëdhenj të reperit, të cilët e mbështesin në çdo projekt të tijin.
I ati dhe e ëma e Ledrit, Agroni dhe Xheraldina, dëgjojnë në makinë këngët e të birit dhe sot po dëgjonin pikërish “Prej inati”.
Reperi ka filmuar prindërit nga pas, ndërkohë që kënga e tij luhej me volum të lartë në makinë, ndërsa mamaja e Ledrit ndiqte ritmin duke lëvizur kokën.
Edhe njëherë, reperi ka treguar se kur bëhet fjalë për familjen, ata janë shpatulla e tij e djathtë dhe fansat më të zjarrë të muzikës së tij.
