Jay Z dhe Beyonce mahnitën botën me publikimin e albumit të përbashkët “ Everything Is Love”, të shtunën.
Në tekstet e këngëve të tyre ata duket se janë treguar shumë të sinqertë duke folur për konfliktin e tyre martesor, zhgënjimin nga presidenti Trump dhe gjithashtu Kanye West.
Në rast se nuk e mbani mend Jay Z dhe Kanye kanë qenë kundërshtarë që nga viti 2016 pasi Kanye sulmoi albumin 4:44 të Jay Z në skenë.
Gjithashtu Kanye tha se ishte i mërzitur që ish – miku i tij nuk e vizitoi atë pas incidentit të grabitjes së Kim në Paris.
Në vitin 2017, Kanye u largua nga shërbimi i transmetimit Tidal duke pretenduar se kompania i kishte borxh më shumë se 3 milionë dollarë.
Më vonë Jay Z e theu heshtjen e tij duke i thënë gazetarit të hip-hopit Elliott Wilson se ai ishte lënduar kur Kanye përmendi vajzën e tij, Blue Ivy, gjatë turneut të tij “Saint Pablo”. Në një intervistë tjetër duke folur me reperin Ye, ai u shpreh:”Unë e dua Kanye. Është një marrëdhënie e komplikuar mes nesh”.
Në maj, Kanye foli
hapur për mungesën e Beyonce dhe Jay Z në dasmën e tij në vitin 2014, duke thënë: “Me respekt, më duhet të them se u lëndova që nuk erdhën në dasmë. E kuptoj se po kalonin disa gjëra, por nëse je një familje, nuk do të humbasësh një martesë”.
Pas një kohe kaq të gjatë Jay Z repon në këngën “Friends” për marrëdhënien e tij me Kanye duke thënë: “Nuk do shkoj në asgjënë e askujt kur unë dhe ime shoqe jemi duke u zënë/ Nuk më intereson as nëse shtëpia merr flakë/ Unë po vdes plako/ Nuk do ta lë/ Nëse ju nuk e kuptoni këtë, ne nuk duhet të jemi miq”.
Tekstet e sinqerta konfirmojnë se Jay Z zgjodhi të mos merrte pjesë në dasmë sepse kishte trazira në martesën e tij, të cilat ai mendonte se duhej t’i zgjidhte.
