Pasi u shpreh se do t’i thonte “po” edhe një martese të katërt, pas tre të dështuarave, Kim Kardashian ka bërë një tjetër deklaratë të fortë.
Ylli televiziv ka konsideruar martesën e saj të fundit me Kanye West si më të vërtetën.
“Ndjehem, sikur sinqerisht martesa ime e fundit ishte e vërteta ime e parë”, i rrëfeu ajo Gwyneth Paltrow në ‘podcastin GOOP’.
Kim ishte e martuar më parë me producentin e muzikës Damon Thomas nga viti 2000 deri në 2003 dhe yllin e NFL, Kris Humphries në vitin 2011, nga i cili u nda pas vetëm 72 ditësh.
Teksa fliste me Gwyneth, ylli televiziv kujtoi se si ndihej gjatë dy martesave të para dhe u shpreh se atëherë nuk ishte mendërisht gati për t’u bërë grua.
“E para [për Damond], thjesht nuk e di se çfarë po ndodhte”, pranoi ajo, përpara se të shtjellonte se çfarë çoi në përfundimin e martesës së saj dhe Kris.
“E dyta, u ndjeva sikur doja të martohesha kaq shumë. Të gjithë miqtë e mi ishin në atë vend dhe unë nuk e pranova që thjesht nuk ishte aty ku isha dhe kuptova se kjo ishte në rregull”, tha Kim.
Kujtojmë që Kim dhe Kanye – të cilët së fundmi zgjidhën divorcin – u martuan në vitin 2014 gjatë një ceremonie luksoze në Firence, Itali pas tre vitesh lidhje.
