Shakira dhe Gerard Pique, pas shumë takimeve të dështuara më në fund kanë arritur në një marrëveshje përsa i përket kujdestarisë së fëmijëve të tyre.
Dhe po, siç e kishte shprehur edhe më parë këngëtarja kolumbiane ia doli me të sajën! Sasha dhe Milan do të transferohen për të jetuar në Miami së bashku me të.
Pasi çështja më e rëndësishme e tyre është zgjidhur, radhën e kanë pronat e përbashkëta të ish-çiftit.
Tani, është shtëpia ku kanë jetuar të gjithë së bashku ajo që është për diskutim. Ata më parë kanë qëndruar në një rezidencë spektakolare në Esplugues de Llobregat, një qytet i vogël shumë afër Barcelonës.
Shtëpia do të dalë në shitje pas Krishtlindjeve. Konkretisht, ajo do të dalë në shitje në një faqe interneti të pasurive të paluajtshme nga janari 2023.
Prandaj, Shakira dhe Pique do të marrin një dhuratë në formë parash, pasi fitimet do të ndahen në mënyrë të barabartë.
Vila madhështore ka qenë shtëpia e Shakirës, Piques dhe fëmijëve të tyre që nga viti 2012. Muajt e fundit, pasi u konfirmua se Pique dhe Shakira po ndaheshin, artistja kolumbiane vazhdoi të qëndronte aty, ndërsa Pique në një tjetër pronë të tyre.
Ndërkohë që kjo ishte zgjidhja e lehtë për një nga pronat e dyshes, bëhet me dije se nuk do të bëjnë të njëjtën gjë me secilën nga pronat e tjera që u takojnë.
