Britney Spears ka një lidhje shumë të fortë me partnerin e saj, Sam Asghari, që është forcuar edhe më shumë së fundmi pasi çifti kanë vendosur që ta çojnë lidhjen e tyre në një tjetër nivel.
Artistja ka shpallur fejesën me të dashurin e saj para pak ditësh.
Çifti janë njohur për herë të parë bashkë në xhirimet e këngës “Slumber Party” në 2016-tën dhe lidhja e tyre është forcuar akoma më shumë me kalimin e kohës pavarësisht ulje-ngritjeve për shkak të kujdestarisë së ashpër të Britney-t.
View this post on Instagram
Të shumtë kanë qenë ata që kanë shprehur publikisht urimet për çiftin e ri të zyrtarizuar.
Ndër ta ka qenë edhe ish-bashkëshorti i Britney Spears, Jason Alexander, i cili uroi yllin e muzikës pas lajmeve të fejesës së saj me aktorin Sam Asghari.
“Unë gjithmonë do ta dua. Nëse ajo është e lumtur me Sam dhe kjo do të funksionojë, unë jam i lumtur për të.
Ai është me të vërtetë personi i vetëm që ka qenë rreth e rrotull saj për disa vjet, kështu që pa të ajo do të kishte qenë vetëm”, është shprehur ai gjatë një interviste të dhënë së fundmi.
Spears dhe Alexander njiheshin qëkur ishin fëmijë në Luiziana. Ata u martuan në vitin 2004, një martesë që zgjati afërsisht jo më shumë se dy ditë.
Megjithatë Alexander ka qenë një mbështetës i Spears edhe gjatë betejës së saj për ruajtjen e kujdestarisë.
