Pasi lajmi se Justin Bieber i propozoi të dashurës së tij Hailey Baldwin mori dhenë në internet, të gjithë sytë ishin mbi ish-të dashurën e këngëtarit, Selena Gomez.
Dhe duket se Selena nuk do t’ia dijë aspak për këngëtarin e hitit “Sorry”, pasi po shijon pushimet me mikeshat e saj. Aktorja festoi një natë më parë, ditëlindjen e 26-të të mikeshës së saj Courtney Barry në një “darkë gocash”, ku përfshiheshin picat, akulloret, dhe një tatuazh i ri!
Selena shfaqi në një foto në “Instagram”, tatuazhin e ri që ka bërë në krah dhe është vetëm një numër, që për këngëtaren do të thotë shumë!
“Shoqja e ngushtë është sot 26vjeç! #4 sepse këto vajza kanë qëndruar përkrah meje për më shumë se 7 vite (@ashley_cook 12 vjet) 4, sepse ju jeni katërshja që do të më shoqërojë përkrah gjithë jetën. Ju dua shumë zonja. Ju më frymëzoni që të jem më e fortë, më e mirë, e më pranë Zotit. Mezi pres për 50 vitet e ardhshme bashkë!” – shkruan Selena Gomez, krahas postimit!
Ndaj kush mendon për dashuritë e humbura, kur ke pranë jo një, por katër shoqe të ngushta! Bye Bye Justin!
