Pak muaj më parë, Erik Lloshi dha lajmin e ëmbël se ishte fejuar me të dashurën e tij, vetëm gjashtë muaj pasi ishte lidhur. Ai rrëfeu se ishte shumë i dashuruar me partneren, e për këtë arsye nuk ka dashur të presë aspak.
Por duket se e fejuara, e ka ndryshuar tërësisht këngëtarin shqiptar. Nëse i keni ndjekur me vëmendje intervistat e tij, Erik Lloshi shprehej se ishte shumë tradicional dhe se do të preferonte të jetonte së bashku me prindërit. Mirëpo ditën e sotme, ai na ka treguar ambjentet e shtëpisë së tij të re.
“Shtëpi e ëmbla shtëpi”,- shkruan Erik LLoshi, në imazhin ku shfaqet dhoma e ndenjes e arreduar plot shije.
Mesa duket dashuria e ka ndryshuar këngëtarin e hiti “Ajo është Ajo” dhe ndoshta është zhvendosur të bashkëjetojë me të fejuarën.
