Rita Ora ka publikuar një foto të Elizabeth II në rrjete sociale, ku shkruan se ndihet mjaft e trishtuar pas ndarjes së Mbretëreshës nga jeta.
Këngëtarja thekson se Mbretëresha ishte një frymëzim për të gjithë.
“Mendoj se nuk jam e vetmja me një ndjenjë të madhe humbjeje dhe trishtimi sonte. Mbretëresha ishte një grua e pabesueshme që i dha gjithë jetën vendit të saj. Ajo mbretëroi me një hir, elegancë dhe nder të tillë. Një frymëzim i vërtetë për të gjithë ne. Mendimet dhe lutjet e mia janë me familjen mbretërore në këtë kohë të vështirë dhe të trishtuar. U prehtë në paqe”– shkruan Rita.
Edhe Dua Lipa bëri një reagim pas ndarjes nga jeta të Mbretëreshës Elizabeth II.
Dua ka postuar një foto të Mbretëreshës gjatë kurorëzimit të saj si dhe më pas përmes “Service95”, Dua ka shkruar: ” U pikëlluam kur dëgjuam për vdekjen e Mbretëreshës Elizabeth II. I urojmë forcë familjes dhe të dashurve të saj në këtë kohë thellësisht të vështirë. Mbretëresha Elizabeth II më 4 qershor 1953, e veshur me fustan të dizajnuar nga Norman Hartnell për ceremoninë e saj të kurorëzimit. Foto nga Central”.
Menjëherë pas vdekjes së Mbretëreshës, fronin e mori Charles. Tashmë ai është Mbret i Mbretërisë së Bashkuar.
Në një deklaratë zyrtare, ai thekson se ndarja nga jeta e nënës së tij është një moment trishtimi për të dhe të gjithë anëtarët e famijes
“Vdekja e nënës sime të dashur, Madhërisë së Saj Mbretëreshës, është një moment i trishtimit më të madh për mua dhe të gjithë anëtarët e familjes sime”, thuhet në deklaratën zyrtare në rrjetet sociale të familjes mbretërore.
