Jonida Maliqi ka reaguar për herë të parë publikisht, pas debatit me mikeshën e saj, Alba Danaj.
Këngëtarja ka treguar se kjo situatë për të është e vështirë, pasi e gjitha vjen nga dikush që ajo e ka futur në shtëpi.
Jonida shton nuk i ka askujt borxh në jetën e saj, prandaj edhe çështjen po e çon në gjykatë.
“Faleminderit të gjithëve për suportin tuaj. Në fakt nuk ka qenë aspak e lehtë sepse zakonisht të gjitha këto situata vijnë nga njerëz qe ti ke ngrënë bukë, i ke futur në shtëpi. Megjithatë, nuk i kam borxh askujt ndaj çështjen po e çoj, në mënyrë zyrtare dhe ligjore, sepse kam prova që nuk i kam askujt në jetë borxh. Krahas kësaj, nuk mallkoj sepse jam nënë vetë. Nëse ke prova që të kam mallkuar ndonjëherë moj vajzë e dashur, se më ke bllokuar ti mua, e kupton, ke frikë shkruan vetëm kështu publikisht, personalisht jo, pse si bën publike? Kam edhe unë foto. Kam foto, kam prova te shkruajtura nga ty, mirë? E di ti”, shprehet Jonida.
I gjithë sherri nisi ditën e djeshme, pasi Alba Danaj sulmoi këngëtare dhe tha se Jonida ka disa borxhe të palara.
Pas këtyre fjalëve, Jonida reagoi nëpërmjet disa fotove ku tha se indiferenca është gjëja më e rrezikshme, jo urrejtja.
