Gjatë një debati me Sarën në “Për’puthen”, Princi u shpreh se ajo është vajzë materialiste dhe se del në takim vetëm me ata meshkuj që kanë makina luksoze.
“Unë nuk të kam ardhur nga mbrapa dhe nuk do të vij kurrë nga mbrapa, sepse unë nuk kam Maserati nuk kam Porsche, nuk kam një kushëri të famshëm, sepse ti këta tipa preferon. Ti je sipërfaqësore, materialiste”, u shpreh Princi.
Këto fjalë të Princit ndezën një debat të madh, i cili vazhdoi edhe gjatë ditës së djeshme. Duke qenë se Sara tha se Princi nuk e kishte paguar vetë helikopterin në ditën e takimit me Jasminën, ai u detyrua të jepte një shpjegim.
“E vërteta është që unë jam një student që kam dalë nga bankat e shkollës, një miku i kunatit tim e bëri të mundur pjesën e pagesës, por shkuam vonë ai ishte i acaruar e na tha nuk bëhet dhe u mundësua nga shoqja e Jasminës e cila e njihte e ia mbushi mendjen”, tha Princi.
“Sara është një gocë që i ka premtuar edhe një mikut tim për një takim dhe ajo nuk ka pranuar. Shqipëria e di kush është ajo”, u shpreh ai ndër të tjera.
Më pas Sara shpërtheu në të bërtitura dhe ofendime, duke u shprehur:
“Më vjen turp që po flas me këtë lloj njeriu. Unë nuk e duroj dot këtë përballë meje. Je i fëlliqur, më shpifesh nuk të shoh dot përballë meje. Ajo që del me ty nga këto unë i vë vizën”, tha Sara e nervozuar.
Ndërkohë pas gjithë kësaj përplasje të ashpër ka reaguar edhe Elvisi. Ai i ka dalë në mbrojtje Princit përmes një postimi ironizues në rrjete sociale.
“Princ Mile të ruajt Zoti. Se vallaj duhet ndihma e Zotit aty ku vazhdon të jesh”, ka shkruar Elvisi.
Ky i fundit u largua vetë nga programi disa javë më parë, pas një debati shumë të fortë me Antonelën dhe opinionistin Arjan Konomi.
