Këngëtari i njohur shqiptar Klajdi Musabelliu prej disa kohësh është larguar nga skena muzikore dhe është angazhuar në fusha të tjera.
Para disa muajsh Klajdi pati një përplasje me kryeministrin Edi Rama i cili e quajti këngëtar të dështuar, që punonte në një vend pa lidhje me të.
Pas kësaj Musabelliu u përgjigj ndaj Ramës me një status në Facebook : “Unë këngëtar, gazetar dhe aktor dublant jam i nderuar koleg piktor. Por më mirë këngëtar dhe me dinjitet sesa të lëpij mendere në këtë kohë bandash, droge dhe neokomunizmi që po instalon ti. VFLP i nderuar”.
Menjëherë pas kësaj duket se këngëtari e ka lënë Shqipërinë deh tani jeton në Siçili.
Ditën e sotme ai foli drejtëpërdrejtë në një lidhje telefonike në emisionin “Kafe In” ku tregoi se si po shkon jeta e tij aktualisht mes punës dhe të jetuarit jashtë vendit.
I pyetur nëse shkak që të largohej nga vendi ishte konflikti me Edi Ramën ai tha se nuk kishte lidhje, por thjesht donte të provonte diçka tjetër.
Veç kësaj ai tregoi se atje punon në një resort turistik si shoqërues i turistëve dhe si PR.
