Afërdita Dreshaj dhe bashkëshorti i saj Jakub Kindl, shfaqen të pandarë në rrjetet sociale, teksa menjëherë pas dasmës madhështore në Miami, kanë udhëtuar kudo rreth botës për të shijuar momentet e ëmbla të martesës. Mirëpo, kjo javë do të jetë një sfidë për ta, pasi është hera e parë që do të qëndrojnë vetëm, pasi morën statusin e të martuarit.
Afërdita Dreshaj ka udhëtuar drejt Shqipërisë e vetme, ku u prit me padurim nga miqtë e saj mbrëmjen e djeshme.
Ndërsa sot, këngëtarja shqiptare u takua me moderatorin Ermal Mamaqi në një bar në Tiranë dhe ky i fundit e priti tamam si shqiptar i vërtetë. Ai nis të këndojë në mes të lokalit vargjet “Nusja e re moj nusja e re” për të!
Burime për “iconstyle.al” kanë bërë të ditur se Afërdita Dreshaj do të jetë e ftuar në emisionin “Xing me Ermalin” dhe tashmë kanë nisur përgatitjet.
