Ata njihen prej kohësh, që kur u takuan në qendrën për rehabilitim disa vite më parë, por Demi Lovato po i afrohet edhe më shumë shokut të saj Henry Levy në javët e fundit.
Këngëtarja 26-vjeçare dhe stilisti 27 vjeçar, janë parë së bashku duke u puthur pasi shijuan një darkë në restorantin Nobu në Malibu të California-s, të shtunën në mbrëmje.
Pasi mbaruan darkën, ata shkëmbyen një puthje jashtë restorantit, raporton “E! News”.
Çifti, të dy të veshur me të zeza, hipën në një automjet “Mercedes” dhe më pas u larguan.
Pas më shumë se katër muaj pas mbidozës fatale në rezidencën e saj në Los Anxhelos, këngëtarja e hitit “Sorry Not Sorry” dukej e lumtur dhe e shëndetshme.
Demi kaloi 10 ditë në spital dhe më pas u shtrua në një qendër rehabilitimi për tre muaj dhe që atëherë është fokusuar në rimëkëmbjen e saj.
Ajo nisi të takohej me Henry-n pas rehabilitimit, dhe ai ishte personi i parë me të cilin u fotografua në fillim të nëntorit në një darkë në restorantin Matsuhisa në Beverly Hills.
“Shokët e saj mendojnë se ai ka një ndikim pozitiv tek ajo”, tha një burim për “Entertainment Tonight”.
Ata po shoqërohen gjithnjë e më shumë dhe e kalojnë kohën në shtëpinë e saj duke parë filma, shton burimi.
