Reality show Big Brother VIP Kosova ka rikthyer në qendër të vëmendjes figurën e Labinot Rexhës, duke ndezur sërish debatet për deklaratat dhe përplasjet e tij brenda dhe jashtë shtëpisë më të famshme në Kosovë.
Labinot Rexha u bë pjesë e edicionit të katërt të spektaklit pas protestës së tij publike për t’u përfshirë në program. Gjatë qëndrimit në shtëpi, ai u përfshi në disa përplasje të forta me banorët, veçanërisht me Kushtrimin.
Në një nga debatet, Rexha deklaroi se do t’ia ndalonte Kushtrimit organizimin e mbrëmjeve muzikore në Zvicër. Megjithatë, kjo deklaratë nuk u realizua, pasi këngëtari vijoi performancat e tij atje pas përfundimit të eksperiencës në reality show.
Më herët, Rexha kishte bërë një tjetër deklaratë që ngjalli reagime në opinion, duke pretenduar se gjatë një koncerti në Zvicër disa këngëtarë ishin arrestuar për mungesë vizash pune. Këto pretendime u pritën me skepticizëm dhe u diskutuan gjerësisht në publik.
Pas eliminimit nga shtëpia e Big Brother VIP Kosova, sipas raportimeve të “Prive” në Klan Kosova, Rexha ka paralajmëruar se do të ndërmarrë veprime ligjore ndaj këngëtares, e njekohesisht opinionistes se BBVK Leonora Jakupi. Ai madje ka vënë në pikëpyetje edhe vizën e saj të punës për një organizim muzikor në Zvicër.
