Pak orë më parë u tha se Elvana Gjata po përgatit një surprizë nga Gjermania për fansat e saj!
Një këngë e re po vjen dhe mund të themi se do të jetë suksesi i radhës i këngëtares.
Kjo pasi producenti i saj do të jetë një ndër më të njohurit në Gjermani, që ka punuar për artistët VIP, si Chris Brown, B.O.B., Tyrese, Tyga, Pitbull etj.
Lajmin e ka dhënë vetë këngëtarja shqiptare në Instagram, ku ka publikuar një foto nga zyra e producentit Nikolaos Giannulidis, i lindur në Gjermani por me origjinë greke!
Vetë Nikolaos ka publikuar një foto nga studio, ku shprehet se ndodhet me Elvanën dhe Andin, menaxherin e saj!
Bashkëpunimi vjen pas disa hiteve të suksesshme në gjuhën angleze si “Forever is over”, “Shade” apo “Off guard” me producentin Poo Bear.
Nuk e dimë nëse këtë herë bëhet fjalë për këngën e re konkurruese në festivalin e Këngës në RTSH!
Këtë vit do të ketë shumë surpriza në këtë festival, dhe njëra prej tyre është pjesëmarrja për herë të parë e Elvanës!