Sezoni i ri televiziv ka shkaktuar një tërmet mediatik, ku shumë gazetarë e moderatorë kanë lëvizur nga njëri ekran tek tjetri. Nga kjo lëvizje është përfshirë edhe televizioni “News 24”.
Pas ikjes së gazetarit investigativ Artan Hoxha, nga ekrani i “News 24” do të largohet edhe gazetarja Marsela Karapanço.
Ajo është pjesë e këtij televizioni prej 7 vitesh dhe me një rrëfim emocionues në profilin e saj në Facebook ka paralajmëruar largimin nga ky ekran për të nisur një sërë projektesh të reja.
“Faleminderit ‘News24’, ‘Balkanweb’ dhe ‘Gazeta Shqiptare’! Mbyllet sot një kapitull më shumë se 7-vjeçar, tejet i rëndësishëm i jetës sime në këtë grup mediatik ku u rrita dhe mësova shumë!
Me qindra lajme, gjithmonë të parët…ndonjëherë mund të ndodhte edhe të dytët e të tretët…por gjithmonë me lajme të vërteta dhe të konfirmuara.
Herë me nerva, por gjithmonë me të qeshurën time kanë kaluar si pa kuptuar 7 vite! Nga i pari e deri tek i fundit, te ata që kanë ikur e te ata që janë ende.. ju falënderoj nga zemra për mbështetjen që më keni dhënë. Në këmbim jam përpjekur të jap dashurinë time në çdo gjë që kam krijuar në ‘News24’, ‘Balkanweb’ dhe ‘Gazeta Shqiptare’.
FALEMINDERIT!!!
Ps. Mos kujto se të harrova! ‘Radio Rash’!
Për mua radio nuk ka qenë asnjëherë ajo zyrë me muret kuqe-blu, sfungjerët në studio apo mikrofoni dhe mixeri mbi tryeze. Për mua ajo radio ka qenë dhe do mbetet Anjeza Mio.
E mban mend Mio!? Mua m’kujtohet si tani… me pantallonat e shkurtra zbrita nga autobusi i uzinës. As nuk e dija ku kisha ardhur. ( sot e di mirë, në majë të Shkozës ?)
Unë prisja drejtoreshën e Radios…dhe përpara me doli një zonje e veshur me jeshile, me flokët e zinj pis (shyqyr që ma ke dëgjuar fjalën tani) dhe qerpikun deri ne vetull…( nuk po vazhdoj me përshkrimet e tjera) ti hape derën e më dhe dorën, mua studentes që si një zysh e shkëlqyer që ishe, nuk besoj se të kam zhgënjyer ndonjëherë!
Fale teje Mio, unë jam këtu sot! Dhe sukseset e mia ti dedikoj dhe ty! Sepse je njeriu që sfidon çdo peshore me drejtësinë qe ke, dhe urtësia jote ne çdo gjë është per tu marrë shembull.
(E di qe tani do jesh duke thënë: e me mja, çi ke këto?!) ti e di që i kam nga zemra, dhe s’ka qenë kurrë e nevojshme të ti them, sepse ti i di me vepra.
Dhe për sa kohë ka njerëz si ti… nuk ka kurrë vend për Lamtumirë…por vetëm për Mirupafshim!!!
E fundit: ejjjjj… nuk iki unë, do te kthehem shpejt në shtëpitë e çdo shqiptari me projekte të reja.
Faleminderit, respekte, M.K.”, shkruan Marsela në postimin saj në Facebook.
