Para disa ditësh qarkulluan lajmet se Eros Grezda kishte nisur një lidhje të re, dhe se e kishte hedhur pas krahëve plotësisht historinë me Oriola Marashin. Futbollisti është parë krah modeles spanjolle Nicole duke nxitur dyshimet tek fansat.
Nicole ka ndarë foto me ndjekësit e saj në Instagram, ku shihej krah futbollistit shqiptar. Ata janë parë shpesh kohët e fundit në shoqërinë e njëri tjetrit por nuk kanë komentuar asgjë në lidhje me raportin e tyre.
Së fundmi burime për “Prive” kanë zbuluar se futbollisti vazhdon të jetë beqar. Për momentin, ai dhe modelja raportohet të jenë vetëm miq të mirë dhe asgjë më shumë.
Futbollisti Eros Grezda, ka qenë shpesh kryefjala e mediave rozë për shkak të romancës me modelen tjetër të njohur Oriola Marashi. Ai ka thënë se ky fakt e ka bezdisur, pasi flitej gjithmonë për lidhjen e tij dhe jo për karrierën. Ai gjithashtu shprehet se lidhjen që ka pasur nuk ka dashur asnjëherë ta bënte publike, por duke ditur që Shqipëria dhe Kosova janë vende të vogla, është e vështirë që diçka ta mbash private.
“Lidhjen që kam pasur nuk kam dashur asnjëherë që ta bëj publike, por ishte një situatë që do dilte doja apo s’doja sepse Shqipëria dhe Kosova janë vende të vogla dhe merren vesh gjërat. U bë publike dhe më ka bezdisur se nuk është në rregull kur një futbollist del gjithmonë në portale jo për tema futbollistike, por për jetën private”- u shpreh ai.
