Të shumta kanë qenë thashethemet se Semi Jaupaj dhe këngëtari nga Kosova, Ron Zaiti janë në një lidhje. Këto aludime kanë ardhur fiks pas publikimit të videoklipit të këngës së tyre më te re “All your Lovin” ku shfaqen tejet të afërt me njëri-tjetrin.
Por si duket Semi nuk është e vetmja që e ka harruar ish-partnerin e saj pasi dhe Bojkeni e ka lënë pas të shkuarën.
Ditën e sotme ish-partneri i Semit, Bojken Lako ka postuar një foto në rrjetin social Instagram ku shfaqet duke mbajtur dorën e një vajze.
Edhe pse Bojkeni nuk ka qenë ndonjëherë i hapur për ta bërë publike jetën e tij private, kësaj here ai ka vendosur të na thotë se është duke jetuar një lidhje dashurie.
Kujtojmë se pak kohë më parë llogarinë e tij në Facebook, Ben Blushi ka rrëfyer bisedën e tij me Bojken Lakon, teksa ky i fundit rrëfen se pse erdhi ndarja me Semin. Ai u shpreh se ata u ndanë për shkak të diferencës së madhe në moshë, nëse e llogaritim Bojken dhe Semi kanë 20 vite diferencë. Madje Bojken ka thënë me shaka se i shkruajnë shumë vajza, si duket njëra prej tyre ja ka dalë ta bëjë për vete.
“Që kur u ndava me Semin, jetoj me mamin
Pse u ndave, e pyeta, ajo ishte vajzë e mirë
E mirë ishte, po kishim diferencë. Ajo 26 unë 47.
Si është të jetosh me mamin?
Shumë mirë, tha Bojken. Tani më shkruajnë shumë vajza në Instagram
I takon?
Kur kam kohë”, është shprehur Bojken.
