Brad Pitt ka lëshuar sërish akuza ndaj ish-it të tij, Angelina Jolie. Ai thotë se Jolie po e ‘dëmton qëllimisht’ punishten e verës “Chateau Miraval”.
Madje, avokatët e Pitt pretendojnë se Angelina Jolie ia shiti aksionet e saj oligarkut rus Yuri Shefler.
Në shkurt, aktori 58-vjeçar paditi Jolie, 47 vjeç, duke pretenduar se ajo shiti në mënyrë të paligjshme aksionet e saj.
Pitt thotë se ata kishin rënë dakord që të mos i shisnin kurrë aksionet e tyre pa lejen e tjetrit.
“Padia e Pitt kundër Jolie nuk është ashtu siç pasqyrohet në media. Madje, e vërteta rreth situatës nuk është bërë ende publike”, thotë një burim i brendshëm për PEOPLE.
“Pas ngjarjeve që çuan në kërkesën për divorc nga Jolie dhe viteve të saj në përkujdesjen ndaj fëmijëve të tyre, Jolie dhe fëmijët nuk mundën të ktheheshin në pronë dhe ajo mori vendimin e vështirë për të shitur aksionet e saj. Ajo i bëri oferta të shumta ish-bashkëshortit të saj dhe duke ditur se biznesi do të trashëgohej nga fëmijët e tyre, ajo gjeti një partner biznesi me përvojë në industrinë e alkoolit”.
Burimi shton, “Është për të ardhur keq që pasi ajo u largua siç duhet- madje dhe ligjërisht nga biznesi- Pitt po e ngatërron atë në padi të shumta.”
Megjithatë, një burim i afërt me Pitt thotë: “Kjo nuk ka kuptim. Mënyra më e mirë për të ruajtur familjen është mbrojtja e një pasurie të vlefshme. Pitt mund t’i kishte blerë aksionet e saj. Është më tepër e rëndësishme që familja të zotërojë 100% të aksioneve dhe jo 40 apo 50%.
