Pas identifikimi të të paktën 2 rasteve me Koronavirus në vendin tonë, kanë nisur të merren hapat e parë për pezullimin e aktiviteteve kulturore që përfshijnë grumbullimin e njerëzve.
Agron Llakaj ka njoftuar se “Al Pazar” nuk do të regjistrohet me publik ditën e premte, për të paktën tre javë.
Aktori i njohur i humorit njofton se masat janë marrë në kuadër të sugjerimeve të OBSH-së, ndërsa këshillon ndjekësit e tij të të kujdesen për veten dhe të tjerët.
“Të dashur miq, për shkak të kushteve ku ndodhemi, nga prania në vendin tonë e Koronavirusit, shoë Al Pazar nuk do të regjistrohet me publik ditën e premte, për të paktën tre javë. Duke shpresuar që do e kalojmë sa më lehtë, ju ftojmë të kujdesemi për veten dhe për të tjerët, me masat që OBSH sugjeron…”
Konfirmimi i dy rasteve me Koronavirus në Shqipëri solli pezullimin e mësimit në të gjitha shkollat për dy javë, si dhe pezullimin deri më 3 prill të fluturimeve dhe lundrimeve drejt veriut të Italisë.
Gjithashtu, kryeministri Rama shtroi kërkesën për të anuluar të gjitha grumbullimet masive, kulturore, sportive, aktivitete, koncerte, e dëgjesa publike.
https://www.instagram.com/p/B9gho6QH0M7/
