Angel Brown, fëmija i vetëm që Mel B dhe Eddie Murphy kanë nga lidhja e tyre e shkurtër në vitin 2006, ka bërë publike identitetin e tij si transgjinor pak pas ditëlindjes së 18-të.
Angel, i cili lindi një vit pas ndarjes së prindërve, ka qenë në qendër të një konflikti ligjor mes çiftit në të kaluarën. Megjithatë, pas një marrëveshjeje të arritur në vitin 2009, raportet mes tyre janë përmirësuar ndjeshëm dhe sot ata ndajnë një marrëdhënie të ngrohtë.
Në rrjetet sociale, Angel ka përditësuar përemrat me të cilët identifikohet tashmë si djalë. Një burim pranë familjes ka deklaruar për Daily Mail se vendimi është marrë me qetësi dhe pa bujë, dhe se të dy prindërit kanë reaguar me mirëkuptim dhe mbështetje.
“E ishte një zgjedhje personale nga ana e Angel. Nuk pati ceremoni apo njoftim të madh – ai thjesht donte të ndante me të tjerët se si dëshiron të identifikohet tani”, tha burimi.
Eddie Murphy, sot 64 vjeç, është baba i dhjetë fëmijëve me pesë gra të ndryshme. Ndërsa Mel B ka tre vajza: Phoenix, Madison dhe Angel.
Ky hap përfaqëson një moment të rëndësishëm në jetën e Angel dhe një shembull pozitiv të mbështetjes prindërore në një kohë kur temat e identitetit gjinor janë gjithnjë e më të rëndësishme në shoqërinë moderne.
