Disa ditë më parë, futbollisti i skuadrës Juventus, Daniele Rugani, rezultoi pozitiv me Covid-19.
Lajmin e bëri të ditur klubi i Juventus, të cilët thonin se futbollisti nuk kishte shenja të virusit, por pas analizave doli pozitiv.
Të gjithë futbollistët e tjerë që kishin kontakte me të u izoluan pas rezultatit të analizave, mirëpo duket se Rugani ia ka kaluar virusin partneres së tij, Mikela Persiko.
Rezultati i analizës së saj ka dalë pozitiv me Koronavirus, mirëpo çifti ka një shqetësim tjetër më të madh.
Mikela është shtatzënë për herë të parë dhe është jashtëzakonisht e frikësuar për bebushin që po pret.
Megjithëse mjekët i kanë thënë që nuk ka rrezik, ajo është e merakosur se mos ia kalon virusin fëmijës.
“Unë nuk mund të flas për shtatzëninë. Për momentin duhet të kuptoj se çfarë mund të ndodhë. Shpresoj që ky virus të mos ndikojë në shtatzëni. Mjekët më kanë thënë se nuk do të ketë probleme. Megjithatë kam një frikë shumë të madhe se çfarë mund të ndodhë”- u shpreh ajo.
