Vdekja e Avicii-t ishte pa dyshim një ndër ngjarjet më të papritura në botën e artit, e cila u bë kryefjalë e të gjitha mediave botërore. Më të prekurit nga kjo ngjarje e rëndë ishin familjarët dhe partnerja e tij, Tereza Kačerová.
Postimet rrënqethëse të partneres së Avicii-t, të cilat na tregonin vuajtjen e madhe që ajo po përjetonte pas kësaj humbje tragjike, përlotën gjithë botën. Mirëpo përveçse humbjes së partnerit të saj, Tereza tashmë me sa duket ka edhe një shqetësim tjetër.
Nëpërmjet disa postimeve në Instagram Tereza na ka treguar se tashmë fansat e Avicii-t kanë filluar ta sulmojnë duke e akuzuar se është ajo përgjegjësja e vdekjes së tij. Ajo ka zbuluar nëpërmjet këtij postimi se shumë njerëz po ju dërgojnë mesazhe fyese rreth saj, miqve si dhe babit të fëmijës së saj.
“Ju mendoni se është në ndonjë mënyrë të pranueshme për të provuar dhe për ta bërë këtë më të dhimbshme për mua sesa tashmë është? Tim do ta kishte dashur këtë, Tim do të kishte dashur që … Para së gjithash, ju as nuk keni të drejtë ta quani Tim. Sepse, për sa kohë që unë e di, Tim nuk e dinte që ekzistoni. Pra qetsohuni. Ai është Tim për mua. Për ju është Avicii. Nëse e njihnit Timin, madje edhe shumë pak, ju do të dinit se ai do të ishte i lodhur nga sjellja juaj e neveritshme”, është shprehur e nervozuar modelja në postimet e saj në Instagram.
Me sa duket modelja është shumë e shqetësuar nga këto sulme dhe për të shmangur komentet fyese ka bllokuar edhe komentet në postimin e saj.
