E dashura e yllit të Manchester United, Lisandro Martinez, ka zbuluar se partneret e futbollistëve të Argjentinës kanë rënë dakord të bëjnë tatuazhe të ngjashme nëse partnerët e tyre fitojnë Kupën e Botës.
Kërcimtarja profesioniste Muri Lopez tha se trofeu i artë i Kupës së Botës ishte një nga tatuazhet që ishin diskutuar.
Sipas “The Sun” Lopez u shpreh se ato bënë marrëveshjen e tyre të tatuazhit në një darkë grupi në Doha në mbrëmje përpara fitores gjysmëfinale ndaj Kroacisë.
“Në darkë vendosëm që nëse gjithçka do të shkonte në rregull, të gjithë donim të bënim një tatuazh për të shënuar këtë moment historik dhe bëmë një premtim. Nuk kemi vendosur ende për tatuazhin sepse disa donin një gjë dhe të tjerët një tjetër”, tha Muri.
“Disa donin trofeun, të tjerat donin datën dhe të tjerët diçka të shkruar në arabisht.
Argjentina do të përpiqet të fitojë Botërorin e tretë këtë të diel (18 dhjetor) kundër kampionit aktual Francës.
Kujtojmë që Franca fitoi 2-0 ndaj Marokut falë golave të Theo Hernandez dhe Nadal Kolo Muani-t.
Kombëtarja franceze do të ndeshet të dielën (18 dhjetor) me Argjentinën në finale e madhe të Kupës së Botës në Katar.
Të gjithë mezi po e presin duelin historik midis Messi-t dhe Mbappe-së.
