Rrjeti hekurudhor në Shqipëri prej disa vitesh ka dalë jashtë funksionit dhe shpesh është bërë burim aksidentesh, por kohët e fundit qeveria ka menduar rindërtimin dhe vënien sërish në funksion të transportit hekurudhor.
Banka Europiane për Rindërtim dhe Zhvillim do t’i sigurojë Shqipërisë një hua prej 36.8 milion eurosh, ndërsa qeveria vendase do të sigurojë fondin me vlerë 16 milion euro për rindërtimin e hekurudhës Tiranë – Durrës.
Marrëveshja u firmos ditën e mërkurë mes Ministrit të Infrastrukturës, Damian Gjiknuri dhe Drejtorit të Përgjithshëm për Zgjerimin në Komisionin Evropian, Christian Danielsson, ku Bashkimi Europian i siguroi Shqipërisë fondin miliona dollarësh për ndërtimin kësaj linje me tren ekspres.
Pas kësaj Gjiknuri u shpreh se rruga Tiranë – Durrës me tren do të bëhet për 22 minuta, ndërsa deri në aeroport rruga do të zgjatë vetëm12 minuta.
