Albert Fouquet, i biri i një aristokrati parizien, ishte pjesë e elitës franceze në fillim të shekullit të XX dhe një njohës i mirë i parfumeve. Në një dhomë në katin e sipërm të vilës së familjes, Fouquet i ndihmuar nga shërbëtori i tij Philippe, krijoi disa esenca për përdorim vetiak. Në evente sociale ai i befasonte të gjithë me aromën që mbante. Të ftuarit filluan t’i kërkonin nga një shishe prej kolonjës së tij, por Fouquet i refuzonte vazhdimisht.
Një mbrëmje gjatë pushimeve të tij verore në vitin 1937, përgjatë rivierës franceze (Côte d’Azur), Albert u njoh me një student amerikan me të cilin u mor vesh menjëherë; John F.K. Pak minuta pas takimit të tyre, djaloshi JFK u magjeps pas esencës që mbante Albert. Sharmi dhe afrimiteti që John tregoi, e bëri Albertin t’i linte një mostër të kolonjës së tij, bashkë me një shënim në hotelin ku qëndronte: “Në këtë shishe do të gjeni një pjesë të glamurit francez që i mungon personalitetit tuaj amerikan.”
Pasi u kthye nga pushimet e tij, Albert mori një letër nga John, i cili e falenderonte për gjestin bujar dhe gjithashtu i tregonte për përshtypjet e miqve të tij mbi esencën. Ai i kërkoi Albertit nëse mund t’i dërgonte 8 shishe të vogla dhe një posaçërisht për Bobin. Pa e kuptuar mirë kërkesën e tij, Fouquet vendosi t’i dërgojë një kuti me sasitë e mjaftueshme për të mbuluar kostot e transportit. Nuk e dërgoi porosinë derisa gjeti disa shishe të bukura xhami për të vendosur kolonjën e tij. Gjithashtu porositi disa kuti të dekoruara me të njëjtën teksturë si këmisha që kishte veshur miku i tij amerikan, JFK gjatë takimit të tyre. I etiketoi shishet dhe kutitë me kërkesën mbreslënëse të Johnit: “Eight & BOB”.
Albert u surprizua kur disa muaj më vonë filloi të merrte letra me porosi nga Amerika që vinin nga drejtorë, producentë dhe aktorë si Cary Grant dhe James Stewart. Të gjithë e donin kolonjën “Eight & BOB” që e kishin zbuluar nga babai i Johnit, i cili kishte mbajtur raporte të mira me personazhet e njohura për shkak të bizneseve të tij të para në industrinë e filmit.
Fatkeqësisht, suksesi i kolonjës së tij nuk mundi të përhapej edhe më tej. Në pranverë të 1939-ës, Alberti ndërroi jetë në një aksident automobilistik afër Biarritz (Francë). Philippe, i vetmi që mund të përballonte porositë, vazhdoi punën edhe për disa muaj, derisa fillimi i Luftës së Dytë Botërore e detyroi ta linte punën me familjen Fouquet. Në dërgesat e fundit, Philippe i fshehu shishet brenda librave, të cilët i preu me kujdes në mënyrë që kolonja mos të binte dhe të mos shihej nga nazistët.
![eight-bob-edt-100ml-[2]-4269-p](http://iconstyle.al/wp-content/uploads/2016/04/eight-bob-edt-100ml-2-4269-p.jpg)
Dekada më vonë, falë familjes së shërbëtorit Philippe, formula e “Eight & Bob” u vu përsëri në përdorim, sëbashku me proçesin e paketimit, pikërisht ai brenda një libri. “Eight & Bob” është kthyer në një nga kolonjat më ekskluzive dhe më të preferuara nga meshkujt më elegantë dhe të pushtetshëm në botë.
EGYPT
“EGYPT” është një nga fragrancat më ekskluzive të krijuara nga Albert Fouquet. Në vitin 1935, Albert vendosi të realizonte një premtim të bërë shokut të tij të fëmijërisë, Ahmed dhe gjithashtu të plotësonte një nga ëndrrat e tij. U mahnit nga kultura e Egjiptit të lashtë dhe gjatë vizitës së tij, përfitoi për të bërë ture të gjata në Piramidën e Gizës, tempuj si Luxor dhe Hatshepsut.
Për Fouquet, vizita ishte gjithashtu një mundësi për të udhëtuar drejt vendlindjes së parfumeve. Ai donte të kërkonte esencat që ishin përdorur për mijëra vite me rradhë. Ishte gjithashtu kurioz të dinte se çfarë përmbanin kavanozat aromatikë që i dhuroheshin perëndive për të mbrojtur faraonët apo se çfarë e kënaqte Kleopatrën. Kjo vizitë e impresionoi që në momentin që ai hyri në vilën e Ahmedit. Kopshti i larmishëm kishte shumë lule që për Albertin ishin krejt të panjohura.
U emocionua tepër kur vendosi të bënte edhe një vizitë tjetër në katër muaj për të gjetur një parfum unik. Pas një pune intensive me javë të tëra në vilën e Ahmedit, Fouquet përfundoi detajet e fundit të formulës së re në vilën e tij në Paris. “EGYPT” u bë pjesë ekskluzive dhe private e koleksionit të parfumit të tij.
CAP D’ANTIBES
Për Albert Fouquet, Antibes ishte parajsë. Në këtë fshat sharmant të rivierës franceze, Albert shijoi pushime të gjata nën shoqërinë e elitës europiane, gjatë vitit 1930. Në atë kohë, vetëm pak njerëz e kishin luksin për të kaluar muaj të tërë pushimesh në rivierën franceze. Mëngjeset ishin të paharrueshme gjatë lundrimit në Grande Bleue, perëndimet magjepsëse nga kopshtet e hotelit “Eden Roc”. Albert kishte ëndërruar për këto ditë gjatë muajve të ftohtë në Paris. Si çdo artist, ai i përkushtohej me ditë të tëra kërkimit të një arome për të përcjellë esencën e kujtimeve të atyre ditëve të verës. Rezultati ishte “CAP D’ANTIBES”, një formulë që u krijua për kënaqësinë personale të Fouquet.
