Një tragjedi e trefishtë i ka ndodhur një familjeje në Shkodër pasditen e se dielës.
Një aksident i rëndë i mori jetën babait me 2 fëmijët e tij, pas përplasjes së dy automjeteve në aksin Shkodër-Velipojë, mbrëmjen e së dielës, ndërsa vajza e tretë ndodhet në vdekje klinike.
Mjeti Alfa Romeo, ku udhëtonte familja me mbiemrin Preka, babai, nëna dhe tre fëmijët e tyre u përplas me një fuoristradë, ku udhëtonin dy persona të tjerë.
Përplasja ishte fatale për babanë 40-vjeçar, Edmond Preka, djalin 9 muajsh, Rajan dhe një vajzë, 5 vjeç, Ajsel , ndërsa vajza tjetër 10-vjeçare Noem është në vdekje klinike.
Në gjendje kritike për jetën nga ky aksident është nëna Ervisa Preka, 36 vjeç, ndërsa të plagosur kanë mbetur dy personat që ndodheshin në mjetin tjetër.
Të plagosurit u dërguan në urgjencën e Spitalit të Shkodrës, ku mjekët po luftojnë t’i mbajnë në jetë.
Rrethanat e këtij aksidenti tragjik janë duke u hetuar nga policia dhe grupi i ekspertëve.
Në rrugën e plazhit në Velipojë, fuoristrada është futur në parakalim të gabuar, madje ka qenë me shpejtësi, ndërsa mungesa e ndriçimit ka bërë që të përplaset me ‘Alfa Romeon’, që po udhëtonte familja Preka.
Aksidenti ndodhi rreth orës 16.00, në vendin e quajtur “Sektori” në Velipojë.
